Kompetansemål
Språk, kultur og samfunn
- formidle opplevingar knytte til estetikk og kulturformer og analysere innhald og form i litteratur, musikk, kunst og andre kulturformer
Kommunikasjon
- forstå innhaldet i lengre munnlege og skriftlege autentiske tekstar i ulike sjangrar
- skrive samanhengande og godt strukturerte tekstar i ulike sjangrar
- delta i spontane samtalar og diskusjonar
- fortelje om og forklare ulike emne munnleg
- bruke språket med god uttale og intonasjon
- gi uttrykk for eigne synspunkt og tankar, opplevingar og kjensler munnleg og skriftleg
- tilpasse språket til formelle og uformelle kommunikasjonssituasjonar • bruke formålstenlege lese-, lytte-, tale- og skrivestrategiar
Læringsmål
- Sjå og bli kjend med ein tysk film (tysk regissør / tyske skodespelarar)
- Samanfatte det viktigaste i ein norsk tekst på tysk
- Analysere forma og innhaldet i filmen Lola rennt
- Bli betre til å forstå innhaldet i autentiske tekstar
- Skrive tekst om filmen (omtale)
- Diskutere, fortelje om og forklare filmen på tysk
- Lære fleire tyske ord og uttrykk som kan brukast i diskusjonar og presentasjonar
- Bli meir merksam på bruk av strategiar, særleg lytte- og snakkestrategiar
Ressursar
Internettsider
- Süddeutsche Zeitung (19.8.1998): Deutsches Kino auf Speed (artikkelen kan kjøpast for 2 euro)
- Meir om filmanalyse (NDLA)
Bøker
- Arne Engelstad (1995): Den forføreriske filmen. Cappelen Akademisk forlag, side 33
(Ev.)
- Dahl, Engelstad mfl. (2009): Grip teksten. Norsk Vg1. Aschehoug. Oslo, side 87–89
- Ord og uttrykk til bruk i diskusjonar og presentasjonar, sjå til dømes Andersen, Bali (2007): Ankunft 2, Tysk II Vg2. Cappelen. Oslo (Praktisches Deutsch)
Film
- Tom Tykwer (1998): Lola rennt (film)
Vedlegg
Førbuingar
- Finne fram filmen
- Førebu ein norsk tekst om "anslaget" (sjå forslag), ev. ein eigna tekst om filmanalyse
Plan for opplegget
Evaluering og vurdering
Innlevering/vurdering med karakter
- Skriftleg: Innlevering av filmomtale (Rezension)
- Munnleg: Elevane presenterer filmen og dei sidene ved han som dei synest er spesielt interessante, i eit foredrag på 10–15 minutt.
Uformell vurdering
- Elevane kan få tilbakemelding på deltakinga i diskusjonane undervegs (innhald, uttale, intonasjon).
Evaluering av eiga læring
- Elevane kan gjere greie for kva dei har lært, og korleis dei har lært (både korleis dei har tileigna seg innhaldet, kva lyttestrategiar dei har brukt, og korleis/om dei har utvida ordforrådet sitt).
Oppfølging
Ein kan velje å jobbe med andre filmar av same regissøren (t.d. Der Krieger und die Kaiserin, som òg har mange av dei same skodespelarane).
Ein kan jobbe med andre tyske filmar (t.d. Emmas Glück; arbeidet med filmen, verkemidla og omtalen har overføringsverdi).
Kommentarar
Sjølv om filmen begynner å bli ganske gammal, liker elevane han godt. Han har "noko" ved seg som tiltaler dei. Det er ein av grunnane til at det er moro å jobbe med han. Her er veldig mykje å ta tak i (interessant tema, mange verkemiddel), og det er lett å oppdage, derfor er det lett å lykkast i arbeidet med denne filmen.
Eg pleier å bruke filmen ganske tidleg i skuleåret fordi han er "enkel" og morosam å jobbe med. Arbeidet med verkemiddel i filmen kan ha overføringsverdi til arbeidet med litteratur. Dessutan er det aktuelt i norskfaget.
Idé og utarbeiding
Nina Eidsten St. Hallvard vgs. (Lier), © Fremmedspråksenteret