Hva lærer du? (2013–2014)
Studiets læringsutbytte
Kunnskapar:
Studenten
- har inngåande kunnskap om barn si skriftspråklege utvikling
- har innsikt i leseopplæring i høve til historisk utvikling
- har inngåande kunnskap om teoriar om lesing og leseopplæring
- har innsikt i korleis ein kan møte utfordringar og utnytte mulegheiter ved leseopplæring i ein fleirkulturell skole
- har inngåande kunnskap om ulike teksttypar og lesing som læringsstrategi
Ferdigheiter:
Studenten
- kan organisere og drive tilpassa leseopplæring på alle trinn etter fagleg grunngitte prinsipp
- kan vurdere og bruke relevante undervisningsmetodar i leseopplæringa for elevar med norsk som andrespråk
- kan leggje til rette for at elevar får lese eit breitt utval av litteratur, også sakprega tekstar i tradisjonelle og moderne medium, at dei utviklar leselyst og gode lesestrategiar og blir stimulerte til vidare lesing
- kan drive systematisk arbeid med lesing som læringsstrategi i ulike fag
- kan virke som ein ressurs i samarbeidet med andre lærarar om leseopplæringa ved eigen skole
Generell kompetanse:
Studenten
- kan vurdere eigen og andre sin praksis og grunngi vurderingane
- kan formidle kunnskap om leseopplæring munnleg og skriftleg