LSKNO22115 Språkleg mangfald, variasjon og endring (5.-10.) (Vår 2023)

Emnet er tilknyttet følgende studieprogram

Obligatorisk emne i vidareutdanningsstudiet Norsk 2 for trinn 5-10 Kompetanse for kvalitet (30 studiepoeng).

Absolutte forkunnskaper

Norsk 1 (retta mot trinn 5-10) eller tilsvarande.

Undervisningssemester

2. semester (vår).

Studentens læringsutbytte etter bestått emne

Kunnskap

Studenten

• har god innsikt i talemålsvariasjonen i moderne norsk på historisk, dialektologisk og sosiolingvistisk grunnlag
• har god innsikt i språklege endringsprosessar i fortid og samtid
• har brei kunnskap om norsk språkhistorie (etter 1800)
• har kunnskap om fleirspråklegheit, fleirspråkleg praksis og om det å lære seg norsk som eit andrespråk
• har utvida innsikt i korleis elevar med norsk som andrespråk kan vidareutvikle skriveferdigheitene sine
• har kunnskap om svensk, dansk og samisk og kjennskap til andre nordiske språk og nasjonale minoritetsspråk

Ferdigheiter

Studenten

• kan bruke kunnskap om talemål og skriftspråksnormering i skriveopplæringa
• kan leggje til rette for og gjennomføre undervisning i den målforma som er sidemål for elevane
• kan bruke kunnskap om fleirspråklegheit for å legge til rette for god lese- og skriveopplæring på 5.-10. trinn for elevar med norsk som andrespråk
• kan leggje til rette for variert nabospråksundervisning

Generell kompetanse

Studenten

• kan vurdere norskfaget og eigen praksis som norsklærar og grunngi vurderingane
• har innsikt i norskfagets forsking og faghistorie og kan reflektere kritisk og konstruktivt ut frå slike perspektiv på faget
• kan rettleie elevar i arbeidet med munnleg og skriftleg formidling slik at dei kan utvikle seg sjølve og førebu seg for aktiv deltaking i offentlege rom
• kan sjå faget i eit større danningsperspektiv og undervisninga som ein del av opplæringa i eit aktivt deltakardemokrati

Innhold

Emnet fokuserer på desse fagområda:

• Talemålsvariasjon (dialektologi og sosiolingvistikk)
• Språkhistorie etter 1800
• Norsk som andrespråk og fleirspråklegheit generelt
• Sidemålsdidaktikk
• Nabospråksdidaktikk

Det vil bli arbeidd både teoretisk og skoleretta med alle fagområda, i samsvar med måla for læringsutbytte.

Studentane skal få forståing for korleis fagleg og digital utvikling påverkar norsklærarprofesjonen, til dømes gjennom læreplanar, lovgrunnlag og nyare forsking, og korleis digitale læremiddel kan brukast for å fremje kreativitet og problemløysing, kritisk tekstforståing og demokratisk deltaking.

Det vil også bli lagt vekt på at studentane skal utvikle eigen kompetanse i både skriftlege og munnlege sjangrar.

Undervisnings- og læringsformer

Studentane skal møte varierte arbeidsformer. Tilnærminga til stoffet skjer i hovudsak gjennom forelesingar, arbeid i grupper og individuelt arbeid, og lærestoffet bygger på anerkjent forskingsbasert kunnskap. Studentanes arbeid på eigen skole vil opne for verdifull fagleg og didaktisk refleksjon knytt til både kunnskapsmål, ferdigheitsmål og generell kompetanse i norskfaget. Digitale arbeidsformer skal også inngå som ein sentral del av norskstudiet.

Undervisningsspråket er norsk, svensk eller dansk.

Arbeidsomfang

Forventa arbeidsinnsats for studenten: ca. 400 timar, inkl. timeplanlagt undervisning, sjølvstudium, arbeidskrav, eksamensførebuing og eksamensgjennomføring.

Arbeidskrav - vilkår for å avlegge eksamen

Studentane får i semesteret fire oppgåver av fagleg og didaktisk karakter knytt til tema som det blir arbeidd med i emnet. Tilbakemelding på arbeidskrav kan dels vere frå faglærarar, dels frå andre studentar, eventuelt kan dei bli vurdert av studenten sjølv (f.eks. refleksjonslogg). Minst eitt av arbeidskrava vil tematisere pedagogisk bruk av IKT knytt til tema i emnet. Begge målformer skal vere representert blant dei skriftlege arbeida.

Meir detaljert beskriving av innhaldet i arbeidskrava blir gitt ved undervisningsstart.

Alle arbeidskrav må vere godkjende før studenten kan framstille seg til eksamen. Dersom eit arbeidskrav ikkje blir godkjend, får studenten eitt nytt forsøk.

Eksamen

Munnleg, individuell eksamen, ca. 35 minutt.  Den munnlege eksaminasjonen er normalt todelt. Først presenterer studenten eitt av arbeidskrava sine (sjølvvalt). Presentasjonen skal vere mest mogleg reflekterande rundt eigen arbeidsprosess, og ikkje berre eit referat av det faglege innhaldet. Presentasjonen skal normalt ta 3-5 minutt. Deretter følgjer ein eksaminasjonsdel på omlag 30 minutt, der sensorane og studenten har ei fagleg samtale med utgangspunkt i eitt eller fleire tema frå arbeidskrava og pensumlitteraturen.

I vurderinga vil både det faglege innhaldet og dei munnlege ferdigheitene bli vurdert.

Karakterregel: A-F.

Sensorordning

Intern og ekstern sensor.

Evaluering av emnet

For å kunne tilby ei aktuell og relevant utdanning med god kvalitet, er vi avhengig av tilbakemelding frå studentane.  Evaluering blir gjennomført i samsvar med høgskulens kvalitetssystem. I tillegg vil Utdanningsdirektoratet gjennomføre nasjonale deltakarundersøkingar.

Litteratur

Gjeldende litteraturliste for 2023 Vår finner du i Leganto