LUMNOR40317 Språk og samfunn (Høst 2024)

Emnet er tilknyttet følgende studieprogram

Obligatorisk emne i Masterstudium i norsk i skolen (120 studiepoeng) (heiltid og deltid).

Undervisningssemester

Heiltid: 3. semester (haust).

Deltid: 5. semester (haust).

Studentens læringsutbytte etter bestått emne

Kunnskap
Studenten

• har avansert kunnskap om talespråkleg variasjon i norsk, med vekt på regionale forhold

• har inngåande kunnskap om sosiolingvistisk teori og kan sjå regional språkvariasjon i lys av denne kunnskapen

• har inngåande kunnskap om tilnærming til dialekt og talemålsvariasjon i undervisningssamanheng i norsk skole

• har god kunnskap om ungdomsspråk og nordiske språkforhold, knytt opp mot dialektologiske og/eller sosiolingvistiske synsvinklar

Ferdigheiter
Studenten

• kan samle inn språkleg materiale og gjere grundige analysar av dette materialet

• kan drøfte sosiolingvistiske spørsmål i lys av teoretiske perspektiv og undervisningsperspektiv 

• kan analysere dialektologisk og sosiolingvistisk materiale i lys av spørsmål om identitet og stad

Generell kompetanse
Studenten

• kan reflektere over korleis språkstudium kan nyttast didaktisk for å utvikle metaspråkleg medvit

• kan formidle kunnskap om talespråkleg variasjon og har kompetanse til å rettleie i allmenne og faglege spørsmål om dette

• er bevisst på korleis ein kan bruke språkvariasjon som ein ressurs i klasserommet for å styrke elevane sin språklege tryggleik og identitet

Innhold

I dette emnet vil språk og språkleg variasjon bli sett i eit regionalt, nasjonalt og nordisk perspektiv. Studentane vil få ein solid teoretisk basiskunnskap som vil gjere dei i stand til å forstå lokal språkleg variasjon i lys av globale utviklingstrekk.

Gjennom sjølvstudium av regional variasjon, og gjennom innsikt i samanhengen mellom språk, stad og identitetsbygging gjennom heile livsløpet, skal dei kunne sette den lokale dialektsituasjonen i samanheng med situasjonen elles i landet - og i Norden.

Eit sentralt mål i emnet er også å bevisstgjere studentane om korleis lærarrolla er viktig for å utnytte ressursane i elevanes språklege variasjon som eit gode i skolen.

Undervisnings- og læringsformer

Undervisningsspråket er norsk, svensk og dansk.

Det vil bli lagt opp til varierte undervisningsformer:

• Forelesingar
• Organisert gruppearbeid, skriftleg og munnleg
• Sjølvstudium og kollokviegrupper
• Studentpresentasjonar
• Datainnsamling/feltarbeid
• Arbeid med semesteroppgåve/rettleiing

Studentar som vel oppgåver der dei kan komme i kontakt med særleg sårbare grupper (barn/unge), må levere politiattest før dei går i gang med oppgåva. Sjå generell del av studieplanen.

Arbeidsomfang

Emnet har eit forventa arbeidsomfang på om lag 400 timar.

Praksis

Det er ikkje knytt praksis til emnet.

Arbeidskrav - vilkår for å avlegge eksamen

1. Individuell presentasjon av fagartikkel frå pensum for medstudentar og faglærar. Målform: bokmål eller nynorsk.

2. Prosjektbeskriving som gjer greie for korleis språkdata til semesteroppgåva (eksamensarbeidet) skal samlast inn og som formulerer problemstilling(ar) knytt til materialet. Språkdata kan samlast inn enten som feltarbeid i skolen, eller på annan måte. Datainnsamling kan skje i grupper, og skal skje i samråd med faglærar. Målform: bokmål eller nynorsk.

Nærmare informasjon om tema og opplegg for begge arbeidskrava blir gitt ved undervisningsstart.

Studenten vil få rettleiing og tilbakemelding frå faglærar og/eller medstudentar undervegs i arbeidet med datainnsamling og semesteroppgåve.

Arbeidskrav blir vurdert til godkjent/ikkje godkjent.. Arbeidskrava må vere godkjende før studenten kan framstille seg til eksamen.

Eksamen

Individuell semesteroppgåve

Semesteroppgåve basert på prosjektskisse og datainnsamling som beskrive i arbeidskrav 2. Omfang: 10-15 sider. Målform: bokmål eller nynorsk.

Karakterregel: A-F.

Sensorordning

Intern og ekstern sensor.

Vilkår for ny/utsatt eksamen

Ved ny eller utsett eksamen kan kandidaten bruke datamaterialet (arbeidskrav 2) om igjen.

Evaluering av emnet

Tilbakemelding frå studentane midtvegs/undervegs og sluttevaluering.

Litteratur

Gjeldende litteraturliste for 2024 Høst finner du i Leganto