LUMNOR40522 Tekst og tekstkulturar (Høst 2023)

Emnet er tilknyttet følgende studieprogram

Obligatorisk emne i Masterstudium i norsk i skolen (120 studiepoeng) (heiltid og deltid).

Undervisningssemester

Heiltid: 1. semester (haust).

Deltid: 3. semester (haust).

Studentens læringsutbytte etter bestått emne

Kunnskap

Kandidaten

• har kjennskap til skjønnlitteratur med motiv eller tema som rettar seg mot t.d. kulturmøter og identitetsdanning

• har kjennskap til teoriar om relasjonen mellom litteratur, identitet og fleirkulturalitet

• har inngåande kjennskap til samansette tekster som tar i bruk forskjellige estetiske uttrykksformar og digital litteratur

• har inngåande kunnskap om tekstteori generelt, multimodal analyse og teori om interart-feltet

• forstår kva for innverknad digital utvikling har på barn og unges oppvekstmiljø og barne- og ungdomskultur, utvikling og identitet

Ferdigheiter

Kandidaten

• kan analysere eit verk med fokus på eit utvald motiv og / eller tema, demonstrere kjennskap til tidlegare forskning ved å trekke inn sekundærlitteratur i ein tekstanalyse og knytte analysen an til relevant teori

• kan reflektere teoretisk og didaktisk over bruk av litteratur i klasserom med kulturelt og språkleg mangfald

• kan analysere og vurdere bruk av modalitetar i ulike typer tekster, og kan reflektere over arbeid med denne typen tekster i skolen

• kan rettleie elevar i deltakinga deira i digitale medier og bidra til at dei utviklar eit reflektert forhold til digitale arenaer

Generell kompetanse

Kandidaten

• har ei kritisk tilnærming til tekst- og mediekulturar som barn og unge deltar i

• kan bidra i faglege diskusjonar som angår barn og unge i spørsmål om literacy, læring og multimodalitet i eit digitalt og fleirkulturelt prega samfunn

• vil kunne vere ein ressursperson i eit lærarkollegium når det gjeld arbeid med skjønnlitteratur generelt, og i særleg grad litteratur som tematiserer kultur- og språkmøte

Innhold

I dette emnet står analyse av skjønnlitterære og samansatte tekster i ulike sjangrar og medium sentralt. Her blir skjønnlitterære tekster behandla teoretisk, tolka og drøfta, med ei særleg merksemd mot analyse av skjønnlitterære uttrykk for kulturmøte, identitet og utforsking av fleirspråklegheit.

Emnet utfyller NOR404 Fleirspråklegheit ved at studentane skal lese eit utval skjønnlitteratur som på ulike måtar tematiserer identitet, kulturmøte og oppvekst i samfunn prega av språkleg og kulturelt mangfald. Emnet vil ha ei didaktisk innretting med vekt på korleis denne typen litteratur og teoriar om litteratur og fleirkulturalitet kan trekkast inn i undervisning og anna formidling.

Tekstutvalet representerer ulike sjangrar og er valt både frå nordisk og internasjonal litteratur, hovudsakleg frå samtidslitteraturen. Teoripensumet skal bidra til å sette litteraturen inn i teoretiske og didaktiske samanhengar.

I arbeidskrava kan studentane velje å konsentrere seg om problemstillingar som er spesielt relevante for det skoletrinnet dei rettar seg inn mot etter avslutta studium.

Undervisnings- og læringsformer

Det vil bli lagt opp til varierte undervisningsformer:

• Forelesingar og seminar
• Diskusjonar i grupper og i plenum
• Tekstanalysar i grupper og aleine
• Sjølvstudium og kollokviegrupper

Arbeidsomfang

Emnet har eit forventa arbeidsomfang på om lag 400 timar.

Praksis

Det er ikkje knytt praksis til emnet.

Arbeidskrav - vilkår for å avlegge eksamen

1.  Individuell fagartikkel på 5-7 sider som knytter ein skjønnlitterær tekst til relevant teori, t.d. om oppbrot, kulturmøte, identitet, danning ut frå relevante omgrep, t.d. oppbrot, kulturmøte, identitet, danning. Målform: valfritt
2. Individuell munnleg framføring på 15 minutt der ein analyserer og drøftar kritisk ei sjølvvald samansett tekst ut frå sentrale fagomgrep.

Studenten vil få tilbakemelding frå faglærar og/eller medstudentar på arbeidskrava.

Arbeidskrava må vere godkjende før studenten kan framstille seg til eksamen.

Eksamen

Individuell, skriftleg heimeeksamen, 5 dagar

Studentane får utdelt eksamensoppgåve fem dagar før innleveringsfristen. Eksamenssvaret skal vere på ca. 3000 ord. Litteraturliste og innhaldsliste kjem i tillegg. Målform: bokmål eller nynorsk.

Karakterregel: A-F.

Sensorordning

Intern og ekstern sensor.

Evaluering av emnet

Tilbakemelding frå studentane midtvegs/undervegs og sluttevaluering.

Litteratur

Gjeldende litteraturliste for 2023 Høst finner du i Leganto