LNORP20117 Norsk/nordisk språkstruktur før og nå (Høst 2023)
Fakta om emnet
- Studiepoeng:
- 15
- Ansvarlig avdeling:
- Fakultet for lærerutdanninger og språk
- Studiested:
- Nettbasert undervisning.
- Emneansvarlig:
- Malin Bakke Frøystadvåg
- Undervisningsspråk:
- Norsk
- Varighet:
- ½ år
Emnet er tilknyttet følgende studieprogram
Obligatorisk emne i Norsk påbyggingsstudium (30 studiepoeng).
Undervisningssemester
1. semester (haust).
Studentens læringsutbytte etter bestått emne
Kunnskap
Studenten
-
har brei kunnskap om språkdidaktiske, språkteoretiske og tilhøyrande metodiske problemstillingar relevant for norskfaget
-
har god kunnskap om norsk språkstruktur, kontrastivt til andre nordiske språk og til eldre språkstadium av norsk
Ferdigheter
Studenten
-
kan analysere og samanlikne språkstruktur i moderne norsk, skandinavisk og norrønt
-
kan reflektere over korleis dei språklege fordjupingstemaa i emnet er relevante for norskundervisning på ulike klassetrinn
-
kan gå i dialog om eiga skriving og nyttiggjere seg rettleiing i samband med oppgåveskriving og munnlege presentasjonar
Generell kompetanse
Studenten
-
kan formidle sentralt fagstoff i ei lengre skriftleg oppgåve
-
kan planlegge og gjennomføre eit foredrag om eit bestemt språkleg tema innanfor moderne norsk, skandinavisk eller norrønt, inkludert teoretisk og/eller metodisk refleksjon
-
kan utveksle faglege og vitskapsteoretiske synspunkt med medstudentar og lærarar
Innhold
Emnet er bygd opp rundt desse hovudpunkta:
Studium av språkteori og metode
Språkdidaktiske tema frå norskfaget
Temastudium i språk: Moderne norsk språkstruktur samanlikna med andre nordiske språk og eldre stadium av norsk
Undervisnings- og læringsformer
Emnet er nettbasert og fleksibelt.
Studentane kan følge forelesningar i sanntid, samtale om faglitteratur og samarbeide om tolke- og analyseoppgåver via digitale verktøy.
Deltaking i undervisninga er ikkje obligatorisk, men det er ein stor fordel å følge denne regelmessig.
Undervisninga vil vere nettbasert - blant anna med nettmøte, deling av skjermopptak og opptak av forelesingar, diskusjonsforum, og andre skriftlege og munnlege arbeidsformer som kan gjennomførast digitalt.
Studentane skal samtale om faglitteratur og samarbeide om tolke- og analyseoppgåver via digitale verktøy. Det blir også anbefalt at studentane brukar digitale verktøy for å diskutere faglege spørsmål utanom planlagt undervisning. Det blir gitt opplæring i dei verktøya som skal brukast. Tekniske spesifiseringar og krav blir klargjort og informert om før semesterstart.
Arbeidsomfang
I emnet må det reknast med minst 400 timar arbeidsinnsats, inkl. timeplanlagt undervisning, sjølvstudium, arbeidskrav, eksamensførebuing og eksamensgjennomføring.
Praksis
Det er ikkje knytt rettleidd praksis til emnet.
Arbeidskrav - vilkår for å avlegge eksamen
I løpet av semesteret blir det gitt oppgåver av fagleg og didaktisk karakter knytt til tema i emnet. Emnet har eitt obligatorisk arbeidskrav. Tema blir bestemt i samråd med faglærar.
- Fagtekst om eit språkleg tema knytt til emnet. Målform: Nynorsk. Omfang: 2000 ord (+/- 10 %)
Tilbakemelding på arbeidskrav kan dels vere frå faglærarar, dels frå andre studentar, dels kan dei bli vurdert av studenten sjølv (f.eks. refleksjonslogg). Meir detaljert beskriving av innhaldet i arbeidskravet vil bli gitt ved undervisningsstart.
Arbeidskravet må vere godkjent før studenten kan framstille seg til eksamen.
Eksamen
Individuell, munnleg eksamen
Munnleg presentasjon (20 minutt) over valfritt tema. Presentasjonen skal ha form som fagleg foredrag. Det vil bli ein fagleg samtale (ca. 10 minutt) med sensorane etterpå med utgangspunkt i presentasjonen.
Tema for presentasjonen blir bestemt i samråd med faglærar. Det blir gitt inntil to individuelle rettleiingsmøte i samband med planlegging av foredraget. Rettleiinga kan gjennomførast digitalt.
Karakterregel A-F.
Sensorordning
Intern og ekstern sensor.
Vilkår for ny/utsatt eksamen
Ved ikkje bestått eksamen kan kandidaten nytte same tema i ny eksamen, og be om ny rettleiing frå faglærar.
Ved ønske om forbetring av resultatet må ny problemstilling/tema presenterast, og kandidaten har ikkje krav på ny rettleiing. Ny eksamen blir først arrangert ved neste ordinære eksamensavvikling.
Evaluering av emnet
Studentane får anledning til å delta i evaluering av emnet (EVA3). Resultata blir handsama av programansvarlig og av faglærarane som er knytt til emnet.