LMBNOR10317 NOR103 Variasjon og endring i tale og skrift (1-7) (Vår 2025)

Emnet er tilknyttet følgende studieprogram

Emnet er obligatorisk for studentar som vel norsk som

• masterfordjuping (150 studiepoeng) i Grunnskolelærarutdanning 1-7

• undervisningsfag (90 studiepoeng) i kombinasjon med Profesjonsretta pedagogikk som masterfordjuping i Grunnskolelærarutdanning 1-7

Absolutte forkunnskaper

• Bestått praksisperiodar i 1. studieår.

• Bestått NOR101 (1-7) og NOR102 (1-7)

Undervisningssemester

4. semester (vår).

Studentens læringsutbytte etter bestått emne

Kunnskap

Studenten

• har brei kunnskap om språklege endringsprosessar i fortid og samtid

• har kunnskap om normeringsspørsmål i moderne norsk i bokmål og nynorsk

• har brei kunnskap om sentrale kjenneteikn ved norske dialektar og grunnleggande kunnskap om nordiske språk

• har god kunnskap om eldre og nyare fleirspråklegheit i Noreg

• har kunnskap om kva for funksjonar lesing og skriving har hatt og har i kulturen vår

Ferdigheiter

Studenten

• kan bruke kunnskap om talemål og skriftspråksnormering i lese- og skriveopplæringa

• kan legge til rette for undervisning av elevar med norsk som andrespråk

• kan verke som ein ressursperson i samarbeid med kollegaer om fleirspråklegheit, samisk og arbeid med språkleg variasjon 

• kan reflektere over grunnleggande prinsipp for sidemålsdidaktikk og nabospråksdidaktikk på barnetrinnet

• kan gjennomføre teoribaserte analysar av læreplanar, læreverk og læringsressursar i norskfaget på barnetrinnet og reflektere over korleis dette kan settast ut i praksis

Generell kompetanse

Studenten

• kan formidle norskfaglige innsikter og tilpasse form og innhold til ulike målgrupper

• har innsikt i norskfaget historisk og ut frå forsking og kan reflektere kritisk og konstruktivt om eigen praksis ut frå slike perspektiv

• kan vurdere nytte, relevans og kvalitet på ulike læremiddel, både bøker/papir så vel som digitale, ut frå teoribasert kunnskap

• kan sjå faget i eit større danningsperspektiv og undervisninga som ein del av opplæringa i eit aktivt deltakardemokrati

Innhold

NOR103 er konsentrert om desse fagområda:

• Språkhistorie og norskfaget i historisk perspektiv

• Talespråksvariasjon og skriftspråksvariasjon

• Norsk som andrespråk, samisk og andre fleirspråklege perspektiv

Det vil bli arbeidd både teoretisk og skoleretta med alle tema, i samsvar med måla for læringsutbytte. Det vil også bli lagt vekt på at studentane skal utvikle eigen kompetanse i både skriftlege og munnlege sjangrar.

Undervisnings- og læringsformer

Studentane skal møte varierte arbeidsformer. Tilnærminga til stoffet skjer gjennom forelesingar, gruppearbeid og individuelt arbeid, i både skriftlege oppgåver og munnlege diskusjonar, og lærestoffet bygger på anerkjent forskingsbasert kunnskap. Praksisperiodar i lærarutdanninga opnar for verdifull fagleg og didaktisk refleksjon i lys av tema i emnet, både før, under og etter praksis. Det blir lagt opp til at studentane skal gjere analyse av læremiddel i praksisperioden.

Digitale arbeidsmåtar i emnet er blant anna: Nettressursar i nabospråksundervisning og nynorskundervisning, arbeid med dialektdata via dialektkorpus eller opptak og transkripsjon.

Arbeidsomfang

I emnet må det reknast med totalt 400 timar arbeidsinnsats, inkl. timeplanlagt undervisning, sjølvstudium, arbeidskrav, eksamensførebuing og eksamensgjennomføring.

Praksis

Det er tre veker praksis i 4. semester. Sjå nærmare informasjon i programplan for Grunnskolelærarutdanning 1-7 og Plan for praksis (1-7).

Det er knytt arbeidskrav til praksisperioden; sjå pkt. Arbeidskrav.

Arbeidskrav - vilkår for å avlegge eksamen

I løpet av semesteret blir det gitt oppgåver av fagleg og didaktisk karakter knytt til tema i emnet, og i samband med praksis:

1. Munnleg presentasjon: analyse og bruk av læremiddel i praksisklassen (jf. Plan for praksis)

2. Skriftleg oppgåve om språkhistorie. Målform: nynorsk (individuelt eller to saman)

3. Munnleg gruppeoppgåve om talespråksvariasjon og/eller talespråksdidaktikk

4. Obligatorisk deltaking i undervisninga. Minimum 80 % oppmøte

Tilbakemelding på arbeidskrav kan dels vere frå faglærarar, dels frå andre studentar, eventuelt kan dei bli vurdert av studenten sjølv (f.eks. refleksjonslogg). Meir detaljert beskriving av innhaldet i arbeidskrava vil bli gitt ved undervisningsstart.

Arbeidskrav blir vurdert til godkjent/ikkje godkjent. Alle arbeidskrav må vere godkjende før studenten kan framstille seg til eksamen.

Eksamen

Individuell munnleg eksamen. Varigheit: totalt ca. 35 minutt.

Den munnlege eksaminasjonen er todelt. Først presenterer studenten eitt av arbeidskrava sine (sjølvvalt, ca. 5 minutt). Presentasjonen skal vere reflekterande rundt eigen læringsprosess, ikkje berre eit referat av det faglege innhaldet. Deretter følgjer ein eksaminasjonsdel på omlag 30 minutt, der sensorane og studenten har ei fagleg samtale med utgangspunkt i tema frå emnet. I vurderinga vil både det faglege innhaldet og dei munnlege ferdigheitene bli vurdert.

Tillatne hjelpemiddel: Ingen

Karakterregel: A-F

Sensorordning

Intern og ekstern sensor

Evaluering av emnet

Emnet vert i samsvar med HiØ sitt kvalitetssystem evaluert etter kvart semester.

Litteratur

Gjeldende litteraturliste for 2024 Vår finner du i Leganto