LU302NOR07 Norsk 302: Språk (Vår 2011)
Fakta om emnet
- Studiepoeng:
- 15
- Ansvarlig avdeling:
- Avdeling for lærerutdanning
- Studiested:
- Halden
- Undervisningsspråk:
- Norsk
- Varighet:
- ½ år
Emnet er tilknyttet følgende studieprogram
Obligatorisk emne i Norsk 3 (30 studiepoeng).Undervisningssemester
2. semester (vår)
Innhold
Norsk 302 er eit språkleg emne som er bygd opp av tre delar:
- studium av språkteori og metode
- temastudium i språk
- ei individuell, sjølvvald oppgåve i språk. Innhaldet i denne oppgåva skal normalt vere knytt til innhaldet i det språklege temastudiet.
Det faglege innhaldet i denne modulen vil kunne variere frå studieår til studieår.
Undervisnings- og læringsformer
Eigen aktivitet frå studentane si side står i fokus, og lærarane ved studiet fungerer som rettleiarar og rådgjevarar. Men studentane vil òg møte nytt fagstoff gjennom forelesningar og seminar.
Studentane skal i løpet av studiet skrive ei semesteroppgåve i form av ein fagartikkel på om lag 10 000 ord. Oppgåva skal leverast ved slutten av semesteret og fungerer som eksamenssvar. Studentane skal ha minst to obligatoriske rettleiingar av faglærar i samband med oppgåveskrivinga, og faglærar skal godkjenne temaet for oppgåva.
Praksis
For allmennlærarstudentar gjeld eigen praksisplan. Andre studentar skal ikkje ha praksis.
Arbeidskrav - vilkår for å avlegge eksamen
- Minst to rettleiingar hos faglærar i samband med oppgåveskrivinga.
- Godkjent tema for semesteroppgåve.
Eksamen
Eksamen består av to deleksamenar:
a) Semesteroppgåve (50 %).
Semesteroppgåva skal ha form som ein fagartikkel, og er ei heimeoppgåve det blir arbeidd med gjennom heile semesteret.
Formelle krav: Semesteroppgåva skal ha eit omfang på om lag 10 000 ord med skriftstorleik 12 punkt (tilsvarande fonten Times New Roman eller liknande), linjeavstand 1½.
Målforma er nynorsk. Emnet for fagartikkelen skal vere knytt til eitt av emneområda i Norsk 302.
b) Munnleg prøve (50 %).
Prøva er på totalt ca. 45 minutt, inkludert karakterfastsetjing og tilbakemelding.
Ved eksaminasjonen kan kandidaten bli prøvd i alle delar av pensum i tillegg til innhaldet i semesteroppgåva.
Prøvene vert vurderte av ein ekstern og ein intern sensor. Ved vurderinga vil det i tillegg til det faglege innhaldet òg bli lagt vekt på kvaliteten på den språklege dugleiken. Dei to prøvene er jambyrdige i vektinga og byggjer på eit felles kunnskapsgrunnlag. Dei to delkarakterane i emnet vert til slutt slegne saman til éin karakter.
Prestasjonar på dei to emna på Norsk 302 vert vurderte ut i frå ein karakterskala frå A til F, der A er beste karakter, E er dårlegast beståtte karakter og F er Ikkje bestått.