Gruppa såg dagens lys då boka Fremmedspråksdidaktikk kom ut første gang i 2014 (3. utgåve 2020). Boka bestod for ein stor del av bidrag av tilsette ved HiØ. I gruppa driv vi med forsking rundt språklæring og språkundervisning, for tida held vi på med eit prosjekt om operasjonalisering av fleirspråklegheit i språkklasseromma. Vi er også i gang med å sjå på korleis vi kan forske på ulike språklæringssituasjonar ved hjelp av filmkorpus (ved UiO). Det er mogleg å kople masteroppgåva opp mot prosjekta våre. Ta kontakt.
Forskningsmetode og datainnsamling
Ulike metodar som videoopptak, dokumentanalyse, intervju/fokusgruppeintervju, spørjeskjema, observasjon etc. er aktuelle. Vi har ikkje allment tilgjengeleg datamateriale førebels, men har kontaktar og tilgang til videodatabase via m.a. UiO.
Tema eller eksempel på problemstillingar
Korleis skape tryggheit i språklæringssituasjonar?
Korleis bruke fleirspråklegheit som ressurs?
Korleis kan rollespel/fysisk aktivitet/song/musikk/film/digitale verktøy etc. bidra til meir bruk av målspråket (pre-test, intervensjon, post-test)?
Korleis blir eit læreplanmål (kjerneelement/kompetansemål) operasjonalisert i språkundervisninga/ i lærebøkene?
Dette er nokon eksemplar på problemstillingar, du kan også kome med egne eksemplar.
Aktuelle fag
Engelsk, norsk, tysk, fransk, spansk og andre språk som blir undervist i skolen
Søknadsfrist
Skriv ein kort presentasjon av deg sjølv, litt om din motivasjon, og evt. forslag til problemstillingar innan 1. mai 2023.
Kontaktperson
Camilla Bjørke camilla.bjorke@hiof.no
Du kan lese meir om FoU-gruppa og våre prosjekter her.