Utdanningskvalitetsprisen
Forskingsgruppa, som blir leia av Kristine Høeg Karlen, fekk to nominasjonar til Utdanningskvalitetprisen for 2022. Ragnhild Louise Næsje er nominert for innsatsen sin knytt til å fremja norskfaget i tverrfagleg samarbeid om storyline på grunnskolelærarutdanninga for trinn 1.– 7. Næsje har dei siste åra saman med blant anna Karlsen, leia arbeidet med tre antologiar om storyline i norsk skule. Antologiane vert gitt ut hausten 2023 og hausten 2024, og Næsje er førsteredaktør på to av dei.
Virginia (Gini) Lockhart-Pedersen og Kristine Høeg Karlsen er nominert for leiinga si av FoU-miljøet knytt til storyline på grunnskolelærarutdanningane ved Fakultet for lærerutdanninger og språk. Dei har arbeidd både med å implementere storyline i grunnskulelærarutdanningane for trinn 1-7 og 5-10, og i tillegg halde ulike kurs for lærarar som ønskjer å bli betre på å bruke storyline. På den måten har Lockhart-Pedersen og Karlsen bidratt til å styrke kontakten mellom lærerutdanninga og praksisfeltet. Ein av skulane Lockhart-Pedersen og Karlsen samarbeida med, Charlottenlund videregående skole i Trondheim, mottok i 2022 "Utdanningsforbundets klimapris" for storylinen som blei utvikla og gjennomført. Dette er et eksempel på den høge kvaliteten i arbeidet deira.
Parallelt med undervisnings- og kursaktivitet har Næsje, Lockhart-Pedersen og Karlsen, bidratt til å formidle arbeidet ved å publisere fagtekster og dei har delteke på ein rekkje nasjonale og internasjonale seminar og konferanser. Arbeidet dei har utført har bidratt til positive endringsprosessar i og ved grunnskolelærarutdanningane ved HiØ.
Utdanningskvalitetprisen anerkjenner enkeltpersonar og fagmiljø som har levert store bidrag til forbetring av utdanningskvaliteten ved høgskulen. Dei to nominasjonane er gjevne på bakgrunn av det systematiske arbeidet Næsje, Lockhart-Pedersen og Karlsen har gjort for å løfta storyline som ei tverrfagleg og estetisk tilnærming til læring og undervisning - lokalt, nasjonalt og internasjonalt. Fagmiljøet i storyline ved Fakultet for lærarutdanningar og språk blir rekna for å vere det største fagmiljøet innafor storyline i høgare utdanning internasjonalt.
- Vi er jo eit stort team som jobbar med Storyline på HiØ. Å bli anerkjent for det harde arbeidet vi gjer med storyline, er ei ære, uttrykkjer Næsje.
Dobbel nominasjon til Karlsen
I tillegg til nominasjonen til Utdanningskvalitetsprisen, er Kristine Høeg Karlsen nominert til Forskningsprisen for 2022. Bakgrunnen for dette er dei sterke bidraga hennar for å styrkja forskingsmiljøet ved Fakultet for Lærerutdanninger og språk (LUSP) over fleire år. Ho har vore ein pådrivar for å involvere kollegaer i relevante og tverrfaglege problemstillingar, og har leidd tre forskingsgrupper, som alle har fått stor oppslutning. Kristine er ein framifrå og inkluderande forskar som har styrka samarbeidet mellom ulike fagområde og sektorar innan feltet hennar. Sidan 2020 har ho leidd det NFR-finansierte forskingsprosjektet pARTIciPED med eit totalbudsjett på 20 millionar NOK.
- Det er svært overraskande og veldig moro å bli nominert til desse to prisane, som eg set så høgt, seier Kristine Høeg Karlsen. Ho fortel at bak slike nominasjonar ligg det ein kollektiv innsats frå mange dedikerte kollegaer og samarbeidspartnarar. Utan det sterke fellesskapet ville ikkje arbeidet hennar vore mogeleg, og det ville heller ikkje vore like givande, legg ho til.
Forplikta til kvalitet
Nominasjonane understrekar at høgskulen er forplikta til å ha kvalitet i utdanning og forsking, og feirar samtidig prestasjonane til forskingsgruppa Cross-curricular Teaching and Learning for 21st Century Skills. Men, konkurransen er hard og det er gode kandidatar til alle prisane.
- Vi gler oss til feiringa, uavhengig av kven som til slutt får dei ærefulle utmerkingane, avsluttar Lockhart-Pedersen.