Under besøket ved senteret vart ambassadøren, Dr. Stefan Pehringer, informert om arbeidet vi gjer lokalt, nasjonalt og internasjonalt for å styrka fremmedspråk og mellom anna tyskfaget.
Besøket gav òg ambassadøren høve til å bli betre kjent med tyskmiljøet ved HiØ, og studiar og forsking knytt til tysk ved Institutt for språk, litteratur og kultur.
Biblioteket ved HiØ husar Austerrikebiblioteket. Ambassadøren hadde med seg fleire bøker som bidrar til å utvida samlinga. Desse bøkene er tilgjengelege nasjonalt ved fjernlån ved bibliotek over heile landet via ORIA.