Kort beskrivelse
Metodikken er rollespel/dramatisering, og med opplegget fylgjer det med 4 «situasjonskort», som elevane skal bruke.
Elevane får øving i konflikthandtering og problemløysingsstrategiar, i tillegg til det å meistre ulike roller (Prinsipper for opplæringen). Ved å jobbe med rollekorta i gruppe får elevane øving i å samarbeide og planlegge (det arbeidande menneske/det samarbeidande menneske). Når ein jobbar i grupper må ein også syne respekt for andre sine meiningar (Prinsipper for opplæringen).
Kompetansemål
Engelsk
Muntlig kommunikasjon
- forstå og bruke et bredt generelt ordforråd og et faglig ordforråd knyttet til eget utdanningsprogram
- uttrykke seg på en nyansert og presis måte med god flyt og sammenheng, tilpasset formål og situasjon
- innlede, holde i gang og avslutte samtaler og diskusjoner om allmenne emner og faglige emner knyttet til eget utdanningsprogram
Programfag VG1 Restaurant- og matfag
Bransje, fag og miljø
- gjere greie for etiske problemstillingar som er relevante for restaurant- og matbransjane
- drøfte og demonstrere kva det vil seie å yte service, og kvifor dette er viktig for yrkesutøvinga i restaurant- og matfaga
Programfag VG2 Kokk- og servitørfag
Servering, bransje og miljø
- drøfte hva god service, bruker- og gjestebehandling er, og vise dette i praksis
- drøfte etiske problemstillinger knyttet til kokk- og servitørfag og det ansvaret det innebærer å lage og tilby mat og drikke til andre
- drøfte hva profesjonell yrkesutøvelse innbærer i kokk- og servitørfag
Programfag VG2 Matfag
Sal og marknad
- vurdere eit produkt ut frå forbrukarane sine krav og behov
- drøfte kva god service og kundebehandling er, og vise dette i praksis
Læringsmål
Eleven skal kunne:
- i rolla som gjest/kunde leggje fram si klage, argumentere for sitt synspunkt og nytte samtalestrategiar for å kome til ei løysing.
- i rolla som profesjonell yrkesutøvar vise respekt for gjesten/kunden sine synspunkt, forklare respektfullt for gjesten/kunden på vegne av bedrifta og nytte samtalestrategiar for å kome til ei løysing.
- i rolla som profesjonell yrkesutøvar kunne forenkle faguttrykk og bransjerelatert språk for gjesten/kunden.
- reflektere over det å vere profesjonell, det å yte service og korleis ein handterer ulike utfordrande situasjonar i yrket sitt.
Refleksjon og vurdering
Opplegget er tenkt som ein aktivitet som nødvendigvis ikkje skal formelt vurderast, men elevane kan òg skrive logg der dei reflekterer rundt det dei har lært, og i kva grad øvinga var nyttig for deira framtidige yrke. Dei kan òg kommentere kvarandre sine løysingar/rollespel. Det er fleire døme på korleis elevane kan gjere dette, t.d. Warm and cool feedback: When students comment on the positive aspects of a peer's work, they are said to be giving warm feedback, and when they identify areas that need improvement, they are providing cool feedback. They provide hints on 'how to raise the temperature' when they give advice about how their peer could improve their work (source: Assessment for learning).
Ressurser
Vedlegg:
Forberedelser
Læraren
- skrive ut kort med situasjonar.
- eventuelt førehandsinndele klassen i grupper.
Plan/læringsaktiviteter
Tuning in:
- I byrjinga av timen tar ein ein gjennomgang i klassen på kva situasjonar elevane kan møte på i yrkeslivet når det kjem til gjestebehandling og kundeservice. Dette for å starte tankeprosessar hos elevane som kjem til nytte i arbeidet med korta (se Ressursar). Eit alternativ kan vere at elevane tenkeskriv rundt det å vere ein profesjonell yrkesutøvar og yte gjestebehandling og kundeservice. Samtale i klasse etterpå.
Gruppearbeid:
- Når elevane er delt i grupper, forklarar lærarane «spelereglane», t.d. at alle idear er velkomne, at alle skal få seie sitt, at alle på gruppa må einast om løysinga, korleis ein grunngjev løysinga si m.m.
- Elevane får delt ut korta, dette blir lest opp på gruppa av ein av medlemmane, og elevane diskuterer seg fram til ei løysing på situasjonen beskrive på kortet. Det kan vere lurt at nokon på gruppa skriv ned løysinga og grunngjevinga. Elevane kan også lage eit rollespel ut frå situasjonen.
- Som avslutning legg gruppene fram for resten av klassen kva løysing og grunngjeving dei har kome fram til, evt. viser rollespelet.
- Eit alternativ til rollespel er å sende korta på omgang mellom gruppene slik at dei kan få diskutere alle situasjonane. Deretter kan det vere interessant å diskutere i klassen kva elevane kom fram til, og om dei «takla» situasjonane forskjellig.
Kommentarer
Har prøvd dette på Vg1, og det fungerte greitt. Elevane diskuterte og kom fram til løysingar som var realistiske. Opplegget passar kanskje endå betre på Vg2 fordi dei elevane har meir erfaring å byggje på, etter praksisperiodar m.m.
Idé og utarbeidelse
Kristin Befring, Mo og Øyrane vgs., Førde
Et FYR-opplegg utarbeidet i samarbeid med Fremmedspråksenteret.