Tidsbruk
15 minutt
Forslag til gjennomføring
- Klassen og læraren vel eit tema og skriv ei liste med ord knytte til temaet på tavla. Det blir artigast dersom det er abstrakte ord eller ord som er vanskelege å teikne.
- Kvar elev vel eit ord og lagar ei teikning av dette ordet. Han eller ho skriv òg ned ordet på ein annan lapp.
- Læraren samlar inn teikningane og lappane med ord i to forskjellige bunkar og deler deretter ut éi teikning og éin lapp med eit ord til kvar elev.
- Elevane går rundt i klassen og prøver å finne para.
- Når alle teikningane og orda er sette saman i par, går klassen gjennom dei i fellesskap. Stemmer orda og teikningane overeins?
Tilpasning:
Læraren kan førebu ord som elevane skal finne betydninga til og illustrere/teikne.