Tidsbruk
5 - 10 minutt
Du treng
Store ark, bilete
Forslag til gjennomføring
- Læraren ber elevane om å foreslå seks tal. Alt etter nivået kan dette vere tal mellom 0 og 10 eller mellom 0 og 100. Desse tala skriv læraren stort og tydeleg på tavla.
- Læraren skriv endå eit tal på tavla. Dette er måltalet.
- Konkurransen startar. Elevane bruker tala til å addere, subtrahere, multiplisere og dividere seg fram til måltalet. Det er ikkje lov å bruke andre tal enn dei som står på tavla. Same talet må ikkje brukast fleire gonger, men ikkje alle tal treng å gå inn i reknestykket.
- Eleven som har komme fram til resultatet først, roper STOPP! og forklarer reknestykket for resten av klassen.
- Heile øvinga går sjølvsagt for seg på målspråket.