Tidsbruk
5 til 10 minutt
Forslag til gjennomføring
- Læraren førebur eit A3-ark til kvar elev. Det skal vere eit bilete og eit ord på kvart ark. Sørg for at bilete nr. 1 står på det første arket og det tilhøyrande ordet på ark nr. 2, osb. Ordet som høyrer saman med biletet på det siste arket, står på ark nr. 1.
- Kvar elev får eit ark og går rundt i klassen for å finne biletet som passar saman med ordet på arket. Når kvar elev har funne sitt ord, har det oppstått ei levande ordkjede.
- Aktiviteten kan avsluttast med at kvar elev seier sitt ord høgt på målspråket og på norsk.
- Ordkjeda kan òg gjennomførast i små grupper. Læraren lagar lappar i staden for ark, og kvar gruppe får utdelt eit sett lappar. Desse må setjast saman til ei ordkjede.