Tidsbruk
15 - 20 minutt
Forslag til gjennomføring
- Læraren deler klassen inn i grupper på to til fem elevar. Kvar elevgruppe får ein standard kortstokk.
- Kvar elev får tildelt sju kort. Dei resterande korta legg ein opp ned i ein bunke midt på bordet. Dette er trekkbunken.
- Ein elev startar. Ho/han spør ein av dei andre om eit kort (på målspråket). Det er berre lov å spørje om kort med same verdi som eit som ein allereie har på handa.
- Dersom eleven som blir spurd, har eit kort med den etterspurde verdien, må han/ho gi det frå seg. Eleven som spurde, kan halde fram med å spørje.
- Dersom eleven som blir spurd, derimot ikkje har det etterspurde kortet, seier han/ho HOPP I HAVET! til den spørjande eleven (VA À LA PÊCHE! / PESCA! / GEH FISCHEN!). Han/ho må ta eit kort frå trekkbunken, og turen går vidare til nestemann.
- Når ein av spelarane har klart å samle fire kort med lik verdi, har han/ho eit stikk. Spelaren legg stikket på bordet framfor seg.
- Spelet er slutt når trekkbunken er tom eller ein av elevane har gått tom for kort. Eleven med flest stikk vinn spelet.