Tidsbruk
15 minutt
Forslag til gjennomføring
- Læraren fyller tavla med forskjellige ord og uttrykk på målspråket og på norsk.
- Klassen blir delt inn i to til fire grupper som samlar seg på rekkje og rad framfor tavla.
- Læraren vel eit ord som står på tavla, og seier omsetjinga eller gir ein definisjon av ordet.
- Elevane som står på første rad, skal springe til tavla og ta på det rette ordet før dei andre. Kvar elev har berre eitt forsøk, så det kan vere lurt å tenkje seg om og eventuelt be om råd i gruppa.
- Læraren noterer eitt poeng for gruppa som tek på det rette ordet først.
- Eleven som fekk poenget, vel neste ord og seier omsetjinga høgt for elevane på neste rad, mens elevane som har svart, stiller seg bakarst i køen i gruppa si.
- Slik held stafetten fram til alle elevane har vore oppe på tavla. Laget som har fått flest poeng, vinn.