Tidsbruk
10 - 15 minutt
Forslag til gjennomføring
- Læraren ber elevane om å tenkje på ein gjenstand i eller utanfor klasserommet.
- Elevane skriv ned ordet på ein lapp (på målspråket) og brettar lappen saman slik at ingen andre kan sjå det.
- Ein av elevane startar. Ho/han begynner med å gi eit hint, til dømes: «Eg ser noko du ikkje ser, og det er knallgult!».
- Dei andre elevane stiller ja/nei-spørsmål etter tur.
- Når ein elev har gjetta rett, er det hennar/hans tur til å tenkje på ein gjenstand.
Tilpasning
I staden for å tenkje på konkrete gjenstandar kan elevane tenkje på eit abstrakt omgrep, eit bursdagsønske, ein bestemt forfattar eller liknande. Elevane kan gjerne vere med på å bestemme kva type ord det skal gjettast på.
For å utfordre elevane ekstra kan ein òg snu på leiken: Ein elev får ein lapp med eit bestemt ord på panna. Ho/han må stille spørsmål til resten av klassen heilt til ho/han har funne ut kva ord det dreier seg om.