Tidsbruk
15–30 minutt
Forslag til gjennomføring
- Læraren vel ut 18 ord på målspråket som elevane skal lære eller har behov for å repetere, og skriv dei opp på tavla.
- Elevane skriv ned ti av desse orda på eit ark. Dei skriv orda i forskjellige fargar, storleikar og retningar. Kvar elev fyller ut minst fem ark med ti ord.
- Elevane går saman i grupper på fire. Dei samlar arka sine, blandar dei og legg dei i ein bunke.
- Kvar elev får utdelt eit av arka frå bunken og legg det framfor seg på bordet.
- Elevane snur etter tur det øvste arket i bunken og legg det i midten. Målet for kvar elev er å vere den første til å finne eit ord som står både på sitt eige ark og på arket i midten. Ordet blir sagt høgt, og eleven må vise kvar det er, på begge arka. Eleven som svarer først, får arket i midten og legg det øvst i bunken sin.
- Spelet held fram til alle arka er tekne. Eleven med flest ark framfor seg på slutten av spelet vinn.