Tidsbruk
15 minutt
Forslag til gjennomføring
- Elevane blir delte inn i mindre grupper.
- Læraren foreslår eit tema, og klassen vel ein bokstav i alfabetet som startpunkt.
- Deretter er oppgåva å skrive ned gloser som kan knytast til temaet, i alfabetisk rekkjefølgje. Dersom temaet er jul og klassen har valt a som startpunkt, kan til dømes dei to første orda vere advent og barn. Elevane kan hoppe over vanskelege bokstavar.
- Kvart ord skal vere grunngitt med ei setning om kvifor det er relevant for temaet. Til dømes: «Advent er tida før jul» og «Alle barn elskar jula».
- Klassen går gjennom svara i plenum. Tilpassing: Etter at aktiviteten er ferdig, kan orda danne utgangspunkt for lengre skriftlege, individuelle tekstar.