Kort beskrivning
Elevane set seg inn i japanske teikn og historia deira. Dei lærer hiragana-alfabetet på sju til åtte skuletimar. Dei lærer å lese, skrive og bruke hiragana-teikna i ulike samanhengar og får kunnskap om variasjonar innanfor ulike fontar o.a. Øvingar skjer via ei rekkje ulike aktivitetar, inkludert spel.
Kompetansemål
- Bruke alfabetet og teikna i språket
- Bruke digitale verktøy og andre hjelpemiddel
- Utnytte eigne erfaringar med språklæring i læring av det nye språket
- Samanlikne nokre sider ved tradisjonar, skikkar og levemåtar i språkområdet og i Noreg
Læringsmål
- forklare historia om japanske teikn og bokstavar
- lese og skrive hiragana
Ressursar
- "Japanese for Busy People: Kana Workbook"
- Hiragana-kort
- Hiragana-øvingsark
- Hiragana-spel
- Hiragana-øvingar på nettsida Marugoto Plus
Førbuingar
Læraren lagar hiragana-øvingsark der elevane øver på å skrive teikna pent og med rett rekkjefølgje på strekane.
Plan for opplegget
- Læraren forklarer kort historia til japanske teikn og bokstavar.
- Innføring i hiragana på sju–åtte skuletimar (kvar time: ti teikn + lydforandringar med teiknsetjing, det vil seie med «tenten» og «maru»).
- Rettleiing til uttale av hiragana-teikna.
- Undervegs viser og forklarer læraren òg
- korleis teikna kan sjå ulike ut i ulike fontar
- korleis ein skriv teikna på PC
- kva rekkjefølgje ein skal skrive strekane i
- Elevane øver seg på å skrive hiragana ved hjelp av hiragana-øvingsark. Der trenar dei seg på å skrive teikna pent og med rett rekkjefølgje på strekane.
- Elevane øver seg på å lese hiragana ved hjelp av flash cards o.l., anten i fysisk form eller på nettet (til dømes på nettsida Marugoto Plus).
- Elevane speler «karuta» eller liknande kortspel med hiragana-kort.
Refleksjon og vurdering
Kvar time startar med ein miniprøve i hiragana-teikna som elevane lærte sist time. Det er viktig at læraren gjer dette for å kunne følgje progresjonen til alle elevane tett når dei lærer teikna.
Oppfølging
- Øvingar med å skrive hiragana på PC.
- Læraren introduserer elevane for ulike verktøy og ressursar som dei kan bruke til vidare øving av hiragana på eiga hand – nettsider, appar til mobilar/nettbrett o.l.
Idé og utarbeidelse
Miyuki Tsuruta-Pedersen, © Fremmedspråksenteret