Elevane foreslår 15 ord knytte til eit kjent tema som dei etterpå skal bruke til å skrive ein samanhengande tekst på målspråket. Sidan elevane sjølve har valt orda, kan det vere enklare for dei å skrive ein samanhengande tekst om temaet. Elevane kan jobbe individuelt, i par eller i små grupper.
Tidsbruk
45–60 minutt
Forslag til gjennomføring
- Læraren skriv på tavla eit tema som klassen held på med, eller som er kjent for elevane.
- Til saman skal klassen velje 15 ord knytte til temaet. Desse 15 orda er delte inn i ulike kategoriar, til dømes substantiv, adjektiv og verb. Klassen og læraren kan gjerne fastsetje kriteria i fellesskap og bli einige om alle orda.
- Deretter får elevane i oppdrag å skrive ein samanhengande tekst på målspråket. Dette gjer dei individuelt. Alle dei 15 orda må brukast i teksten.
Tilpassing
- Læraren kan tilpasse oppgåva ved å foreslå ulike alternativ som er meir eller mindre kreative eller meir eller mindre opne. Eksempelvis kan utgangpunktet vere berre éin tittel eller ei meir konkret problemstilling.