Elevane skriv om delar av biografien til ein kjend person eller ein kjendis frå målspråkområda.
Tidsbruk
45–60 minutt
Forslag til gjennomføring
- Klassen foreslår i fellesskap ei rekkje kjende personar frå målspråkområda som nokon skriv på tavla. Elevane deler seg inn i par eller grupper, og dei vel sjølve kven dei vil skrive om.
- Elevane hentar ein biografisk tekst om personen.
- Elevane må deretter forandre namn på personen. Utover det kan dei endre så mange personopplysningar og annan informasjon som dei vil.
- Læraren kan eventuelt setje opp kriterium, til dømes at det skal vere fem setningar med original informasjon og fem setningar der elevane har forandra informasjonen.
- Når biografiane er ferdig skrivne, kan gruppene byte biografiar og prøve å gjette kva for personar dei andre gruppene har skrive om.