Ein måte å praktisere temabasert ordforråd på i ein samanheng er å bruke biletterningar. Dei kan lagast enkelt i til dømes nettenesta SEN Teacher Free Learning Resources (sjå Førebuingar). Med utgangspunkt i terningkasta skal elevane skape ein munnleg samanhengande tekst. Det uføreseielege i spelet utfordrar og inspirerer til kreativ språkutfalding.
Forslag til gjennomføring
- Elevane dannar par. Kvart par får utdelt ein biletterning (eventuelt grupper på fire og to ulike terningar per gruppe)
- Etter tur skal elevane slå terningen fire gonger og merke seg bileta som terningen viser. Deretter formulerer dei ein samanhengande tekst der orda som bileta representerer, er med
- Læraren går rundt og lyttar og ber eit utval elevar om å gi att teksten til medeleven
Førebuingar
- Klargjere terningar med bilete som er relaterte til emnet som klassen arbeider med, eller som ein repetisjon av fleire emne
- Teneste som genererer biletterningar til tema som folk, stader, handlingar og stemningar: https://www.senteacher.org/printables/Mathematics/7/Nets-3D-Models-Print.html