Denne enkle spørsmålsaktiviteten sikrar aktiv deltaking frå alle elevar. Gjennom felles utveksling av informasjon får den enkelte eleven fagleg og språkleg støtte til betre å kunne svare munnleg. Strukturen gir ei “stemning for spenning” i og med at ein på førehand ikkje veit kven av gruppemedlemmene, og kva for ei gruppe, som vil bli utfordra til å svare.
Forslag til gjennomføring
- Læraren deler klassen inn i grupper på fire, og elevane i kvar gruppe får eit nummer frå 1 til 4
- Læraren stiller eit spørsmål og gir gruppene tenkjetid
- Elevane tenkjer ut eit forslag til svar individuelt og tek notat
- Deretter diskuterer gruppemedlemmene seg fram til eit felles svar som alle skal kjenne til
- Læraren seier eit tilfeldig nummer
- Alle med dette nummeret gir teikn ved å rekkje opp handa
- Læraren peiker ut éin av desse til å svare. Elevar frå andre grupper med same nummer kan eventuelt supplere
- Prosedyren blir gjenteken til alle spørsmåla er stilte
Førebuingar
- Formulere spørsmål til ønskt emne (ord og omgrep, grammatiske moment, repetisjons-, forståings- eller refleksjonsspørsmål)