Formålet med aktiviteten er å få nye tankar og setje dialogar i gang ved å utnytte den inspirasjonen bilete kan gi. Det ligg ei viss tilpassing i det at elevane vel ut frå eigne assosiasjonar, noko som kan vere ein motivasjon for å uttrykkje seg munnleg. Samtidig kan det gi elevane nye impulsar for vidare munnleg produksjon når dei får ta del i assosiasjonane til medelevane.
Forslag til gjennomføring
- Læraren har med bilete som er knytte til eit gitt emne (fotografi, postkort, vekeblad etc.).
- Bileta blir lagde utover golvet
- Elevane vel det biletet som best illustrerer det dei assosierer med emnet
- Elevane studerer sitt eige bilete og tenkjer på kva ord og formuleringar dei kan få bruk for
- Elevane dannar grupper på fire
- Kvar elev forklarer sitt eige biletval og sine eigne assosiasjonar til biletet for dei andre i gruppa. Dei andre kan stille utdjupande spørsmål
- Til slutt kan ein eventuelt ta ein runde i plenum
Førebuingar
- Velje bilete til ønskt tema