Bruk av rollekort er ein kjend aktivitet i språkopplæringa. Rollerundar tek utgangspunkt i rollekort, men den foreslåtte organiseringa (individuelt – gruppe 1 – gruppe 2 – plenum) gir språkleg støtte, og gjennom gjentaking aukar òg det språklege utbytet.
Forslag til gjennomføring
- Læraren gir elevane eit tal frå 1 til 4 (eventuelt til 3)
- Kvart nummer får den same typen rollekort. Individuelt gjer elevane seg kjende med si eiga rolle og tek støttenotat
- Elevane dannar grupper der alle like tal er representerte. Dei skal no saman leggje ein strategi for den munnlege deltakinga til sin eigen karakter i rollespelet. Elevane tek notat etter behov
- Deretter dannar elevane grupper der alle ulike tal er med, og dei speler karakterane sine i rollespelet
- Eventuelt kan enkelte grupper peikast ut til å framføre rollespelet i plenum
- Ei ytterlegare utfordring kan vere at ein dannar nye gruppekonstellasjonar ved å be til dømes alle einarar og toarar om å byte gruppe
Førebuingar
- Formulere/finne tre eller fire ulike rollekort alt etter kor store gruppene skal vere (sjå ovanfor). Rollekorta må ta utgangspunkt i éin og same situasjon