Dette er ei tradisjonell spørsmål- og svaroppgåve, men med andre rammer og i ei elevaktiviserande form: Elevane snakkar, lyttar og skriv – alle på éin gang, og dei får svar på spørsmåla ved å samarbeide. Eit tilleggselement er kravet om signering for avgitt svar, noko som forpliktar ekstra til munnleg deltaking. Rammene til aktiviteten er fordelaktige med tanke på differensiering, der enkeltelevar i mindre grad blir eksponerte for heile klassen når det gjeld kunnskap og munnleg kompetanse. Samtidig får kvar og ein svar på alle spørsmåla sine ved hjelp av den samla kompetansen i klassen.
Forslag til gjennomføring
- Læraren deler ut spørsmålsark og forklarer aktiviteten
- Elevane skal sirkulere og finne ein ledig medelev
- Begge stiller kvarandre munnleg eit spørsmål frå arket (berre lov med eitt spørsmål per person)
- Elevane svarer munnleg til kvarandre, men skriv ned svaret til den andre
- Den som svarte, kvitterer for det munn- lege bidrag, går vidare til ein ny medelev og gjentek prosedyren
- Etter at aktiviteten er gjennomført, kan spørsmål og svar repeterast og sjekkast i plenum. Signaturane kan til dømes styre gjennomgangen (den som har signert, er nestemann til å lese opp eit spørsmål med svar)
Førebuingar
- Klargjere ark med spørsmål frå ein lytte-/ lesetekst for bearbeiding eller til eit emne for repetisjon (spørsmål med fasitsvar passar best). Kvart spørsmål har plass til å notere svar og eit felt for signatur